GoobJoog

Qeybtii u horeysay ee Maleeshiyada Cusub ee TFG-da lagu soo tababaray Dalka Itoobiya shalayna gaaray Degmada Afgooye ayaa saakay u soo dhaqaaqay dhanka Magaalada Muqdisho.

Maleeshiyadani oo weli aanan tiradooda dhabta ah la heynin ayaa lagu soo waramayaa in Muqdisho illaa Afgooye ay socdaal kusoo aadayaan kadib markii ay ka baqeen in waddooyinka Miino loo dhigay.

Maleeshiyaadkaasi ayaa markii ay soo dhaqaaqeen waxaa gebi ahaanba istaagay gawaaridii isaga kala gooshi jirtay Muqdisho iyo Afgooye, iyadoo maleeshiyaadku yihiin kuwo aad u feejigan, isla markaana diyaar garow dagaal xilli kasta ku jira sida ka muuqata.

Dadkii ku sugnaa Deegaanka Ceelasha Biyaha oo u dhaxeeya Muqdisho iyo Afgooye ayaa iyana saaka bilaabay in ay ka qaxaan guryahooda iyo goobahooda ganacsi, iyaga oo ka cabsi qaba in dagaal uu halkaasi ka qarxo gaar ahaan inta wadada ay kusoo jireen Maleeshiyadaasi dowladda.

Arrintani ayaa waxa ay kusoo beegmaysaa  xilli maleeshiyadii horay Itoobiya loogu soo tababaray iyo kuwa Itoobiyaanka ee jooga Muqdisho ay maara u la' yihiin xakameynta Caasimada iyo weerarada ay ku soo qaadaan Xoogaga ka soo horjeeda, lamana garanayo kuwani waxa ay soo kordhin doonaan.

 TrackBack URI for this entry

Comments (0)