GoobJoog

Maantay galankii danbe ayaa magaalada Jabuuti  waxaa ka dhacay xaflad si wanaagsan loo soo  agaasimay taas oo ay isugu yimaadeen madax  iyo diblomaasiyiin ka kala socotay dawladda martida loo yahay, Qaramada Midoobay, Jaamacadda Carabta, darjirayaal iyo labada garab ee Soomaalida Isbahaysiga iyo TFG-da.

Shirka ayaa  halka dhexe ay fadhiyeen diblomaasiyiinta ajnabiga ah, halka ay labada geesna ay ka kala fadhiyeen gudiyadii ka kala socday TFG-da iyo Isbahaysiga. Xafladda ayaa erayo kooban waxaa ka kala jeediyey madax matalaysay dhinacyadii  kasoo qayb galay iyadoo dawladda iyo isbahaysigana ay u kala hadleen labada nin ee kala hogaaminaysay wufuudda ay soo dirsadeen.

Dawladda Jabuuti ayaa waxaa u hadlay wasiirka Awqaafta  Mudane Xaamid oo aad ugu dheeraaday khudbaddiiisa oo Carabi iyo Afsoomaaliba uu ku kala jeediyey isagoo Soomaalidana u tilmaamay in arrintood marxalad kala guur ah taagan tahay.

Dhanka dawladda waxaa u hadlay ninkii wafdiga hogaaminayey C/risaaq Ashkiroo sheegay in dawladdu wadahadal diyaar u tahay. Halka C/raxmaan Warsame oo u hadlay wafdigi Isbahaysigana uu sheegay in mushkiladda ugu weyn ee Soomaali haysataa ay tahay Itoobiya oo Soomaaliya ka dhigatay kawaan xiran oo ay dadka ku gawracaan.  

Xafladda ayaa dhammaatay iyadoo labada garabna ay laba irid ka kala baxeen. Shirka ayaa la filayaa in si aan fool ka fool ahayn muddo kusii socdo kadibna fadhiyo danbe la isugu soo noqdo.

 TrackBack URI for this entry

Comments (0)