GOOBJOOG

Ugu yaraan seddex weerar oo kala duwan ayaa lagu qaaday ciidamada Itoobiya ee qabsaday Soomaaliya maanta kuwaasi oo ka kala dhacay Muqdisho iyo inta u dhaxaysa Muqdisho iyo Baydhabo iyadoo la sheegayo in weerarradaasi ay qasaare xooggan u gaysten ciidamada gumaysiga Itoobiya.

Laba weerar ayaa ka dhacay gudaha magaalada Muqdisho kuwaas oo ka kala dhacay agagaarka isgosyka Tawfiiq iyo kulliyaddii jaalle Siyaad. Labadan weerar ayaa miinooyin meel fog laga hago lagula qarxiyey ciidamada nacabka oo halkaasi marayey iyadoo ay isla durbadiiba wadooyinkaa xirteen si ay dhaawaca iyo dhimashadooda u gurtaan. Waxay sidoo kale rasaas oodda kaga qaadeen wax allaale iyo wixii halkaasi ka dhawaa.

Dhanka kale waxaa xoogagga iska caabinta weerar la beegsadeen ciidamo Itoobiyaan ah oo marayey inta u dhaxaysa Baydhabo iyo Muqdisho iyadoo ay wararku sheegayaan in halkaasi ilaa seddex gaari oo Ural ah looga gubay iyadoo weerarkaasina loo adeegsaday qoryaha culus ee garabka lag rido. Sida lagu yiqinnay waxay ciidamada nacabku aargoosi kula kaceen wixii degaanka lagu qarxiyey ka dhawaa oo shacab ah.

 TrackBack URI for this entry

Comments (0)