GoobJoog

Kulan ballaaran oo la filayo in looga hadlo diidista lacagta keliya ee Soomaaliya u soo hartay ee kunka shilin ayaa maanta waxaa lagu wadaa in ay ka dhacdo suuqa bakaaraha gaar ahaan masjidka Abaa-hureyra ee magaalada Muqdisho.

Kulankaasi ayaa waxaa kasoo qeybgeli doona Ganacsatada gobolka banadir, Culumaa’udiin iyo bulshada qeybaheeda kale, waxaana si aad ah loogu falanqeyn doonaan sida loo qaadan karo lacagta duugga ah ee kunka shilin.

Iminka ayaa waxaa si aad ah u soo buuxdhaafinaya barxadda masjidkaasi dadweyne aad u fara badan kuwaasi oo ka warsugaya sida ay wax yeelli doonaan culumaa’udiinka halkaasi dadka isugu yeeray.

Horey ayaa suuqa bakaaraha waxaa loogu qabtay kulan ceynkani oo kale ah inkastoo amaro badan laga soo saaray hadana ma noqon kuwa ka hirgala isla bartamaha suuqaasi iyadoo ganacsatadu ay ku andacoonayaan in haddii ay qaataan aanan iyaguna laga qaadan doonin.

Dhibaatada maanta ka taagan magaalada Muqdisho ayaa ah tii ugu qatarsaneyd, waxaana Bulshada kasoo haray yaab aad u xoogan kadib markii lacag aanan jeexneyn xittaa la bilaabay in ay diidaan ganacsatada.

 TrackBack URI for this entry

Comments (0)