GoobJoog

Maanta ayaa waxaa lagu guuleystay in dib loo howlgeliyo dekeda weyn ee magaalada Kismaayo oo muddo 3 maalmood ah u xirnayd maleeshiyooyin aan cidna ka amar qaadan oo dekeda gantaalo ku garaacayay.

Dadaallo ay sameeyeen golaha dhaqanka Kismaayo, aqoonyahanno iyo xildhibaanno ka tirsan baarlamanka TFG-da ayaa dhaliyay in lagu guuleysto in Dekedda ay dib u hawlgasho.
Maliishiyooyinkan maalmihii lasoo dhaafayay dekeddu u xirnayd ayaa ku doodayey in maamulka dekedda ay ku leeyihiin lacago in muddo ah aan la siin oo is gaaray taasoo oo dhan 100-kun oo doolarka Mareykanka ah, hase ahaatee waxaan la garanaynin sida ay suuragal u noqotay in maleeshiyooyinkan la qanciyo dekedana la howlgeliyo, inkastoo ay muuqato wali maleeshiyooyinka sidii ay rabeen in aan loo yeelin.

Dekedda ayaa hawlaheedii maanta si caadi ah ay u socdaan iyadoo Doomo halkaasi fadhiyay lagu sii billaabay rarkii lagu hayay, waxaana wararka qaar ay sheegayaan in lagu rarayo Dhuxul iyadoo aanay jirin cid wax ka qabaneysa arrimahaasi ku aaddan rarista dhuxusha.