GoobJoog

Hal qof oo rayid ah ayaa ku geeriyooday inta la ogyahay 2-kalena waa ay ku dhawacmeen kadib rasaas uu furay Maleeshiyo ka tisan kuwa dowladda oo kusugnaa isgoyska KM4. Maleeshiyadani Dowladda ayaa rasaasta waxa ay ku fureen gaari BL oo ay saarnaayeen dadweyne aad u fara badan, waxaana rasaasta uu ugu furay sida uu isaga sheegtay kadib markii uu ka baqay in bam looga soo tuuro gaarigaasi oo dad aad u fara badan ay la ciir ciirayeen.

Majirto cid ka hadashay arrintani inkastoo markii askarigaasi ka tirsanaa Maleeshiyada Dowladda uu dhibaatada geystay uu isaga tegay guud ahaan goobtii uu ku sugnaa. Ma ahan markii ugu horreysay oo Maleeshiyada dowladda sidani oo kale ay micno darro dadka ku dilaan iyaga oo marka ay dilka geystaanna xittaa u fidin qofka ay ku gardarroodeen wax gargaar ah mana ay jirto sidoo kale cid kula xisaabtanta dhibaatooyinka ay u geystaan Bulshada sida tan maanta dhacday oo kale.

Shacabka ayaa intooda badan waxa ay dhibaato ku qabaan Maleeshiyadani dowladda ee waddooyinka iska dhooban oo mararka qaar ka qaadanaya Mobaylada mararka qaarna rasaas isaga furaya dadka rayidka ah kuwaasi oo xittaa aanan agagaarkooda kus ugneyn qof lagu tuhmi karo in uu wax qarxin rabo.

 TrackBack URI for this entry

Comments (0)