GoobJoog

Waxaa istaagay guud ahaan dhaq dhaqaaqii ka socday dekedda weyn ee magaalada Kismaayo kadib markii ay isa soo khilaafeen qaar kamid ah Maleeshiyaadkii halkaa ilaalada ka haysay iyo Mas’uuliyiinti Dekeddaasi. Maleeshiyada ayaa waxa ay qoryaha lidka diyaaradaha ay ku rakibteen buur meel sare ku taalla halkaasi oo ay kasoo duqeeyeen dekedda taasi oo sababtay in hawlihii dekedda ay istaagaan.

Ma jirto wax doon ah oo ka shiraacatay dekedda inkastoo uu soo wajahay cabsi ku adadan in waxyeello ay kasoo gaarto rasaasta ay Maleeshiyooyinkaasi kusoo ridayaan. Maleeshiyada xayirtay dhaq haqaaqii Dekedda ayaa iminka weli ah kuwa ka biyad diiday in doomaha fadhiya dekeddaasi la raro inkastoo xildhibaanno gaaraya illaa 4 oo kusugan magaalada Kismaayo ay maanta isku dayayaan sidii ay wax uga qaban lahaayeen arrimahaasi.

Dekedda Magaalada Kismaayo ayaanan u aheyn markii koowaad oo sidani oo kale loo xayiro, waxaana horey loo xiray wadada laga soo galo dekedda iyadoo Maleeshiyooyinkii xirayna ugu dambeyntii markii la afgartay ay isaga baxeen jidgooyadii ay ka sameysteen ilinka hore ee dekedda weyn ee Kismaayo.

 TrackBack URI for this entry

Comments (0)