GoobJoog

Wargayska caanka ah ee kasoo baxa dalka Maraykanka The New York Times ayaa isaga oo soo xiganaya qaar kamid ah shaqaalaha gargaarka ee Soomaaliya ka hawlgala wuxuu sheegay in

koox ka tirsan TFGda ay ugaarsadaan shaqaalaha gargaarka ee Soomaaliya ka hawlgala. Kooxdan ayuu wargaysku ujeedkooda ku sheegay in sumcadda ka dilaan xoogaga iskacaabinta ee dagaalka kula jira ciidanka cadawga Itoobiya iyo kooxa Soomaalida ee iyaga la shaqaysta. Mid kamid ah kooxda ku dhowdhow C/laahi Yuusuf oo magaciisa la yiraahdo Cabdi Cawaale ayaa wargayska u sheegay in kooxaha Islaamiyiinta ee halganka kula jira cadawga Itoobiya ay yihiin kuwo reer Galbeedka neceb sidaas darteedna ay shaqaalaha gargaarka u xasuuqayaan.

Kooxda C/laahi Yuusuf ayaa waxaa soo foodsaaray cadaadis xoog leh kadib markii xoogaga iskacaabinta ay si wayn aduunka u tuseen in ay xaq u dirir yihiin diyaarna u yihiin in ay aduunka la hadlaan, taasoo ay dawlado badan oo reer galbeed ah soo dhoweeyeen, wixii C/laahi iyo kooxdiisa ay sheegi jireena ay meesha ka baxeen. Tani waxay keentay in kooxda C/laahi Yuusuf ay keenaan weji kale oo aduunka iyo muqaawamadda la isaga horkeenayo, iyagoo sameeyey kooxo laaya shaqaalaha hay'adaha samafalka iyo dadka magaca ku leh bulshadda Soomaaliyeed.

 TrackBack URI for this entry

Comments (1)

mahad : hay'adaha gargaarka

Waa arrin aan layaab lahayn inay ka dambeeyaan maxishoodayaashu,
Waxaase layaab leh nin aan issaguba amxaarku waxba u ogalayn inu
haddana fahmi karin danta gumaysiga.

1

report abuse

vote down

vote up

July 21, 2008
Votes: +0