GoobJoog

Kadib dagaalkii shalay ka dhacay qeybo kamid ah Degmada Wanlaweyn ayaa dadka kudhaqan Degmadaasi waxa ay sheegayaan in cabsi ay lasoo gudboonaatay.

Cabsida soo wajahday ayaa timid kadib markii habeenkii xalay ay arkeen diyaaradaha dagaalka oo jawwi hoose iyaga oo kusocda kudul wareeganayay Degmada Wanlaweyn iyaga oo cabsi ka qaba in halkaasi ay ka dhacdo duqeyn.

Diyaaradaha dul wareegayay ayaa ah kuwa AC130 kuwaasi oo hawada Soomaaliya inta badan wareega gaar ahaan xilliyada xasaasiga ah inkastoo aanu jirin cid ka hadashay arrimaha diyaaradahaasi ku saabsan.

Dadka qaar ayaa lagu soo waramayaa in ay isaga carareen deegaanadooda iyaga oo cabsi ka qaba duqeyn in ay dhacdo halka dadka intooda badan ay weli degan yihiin isla markaasina ay sheegayaan in ay sii deganaan doonaan maadaama aanu jirin iminka goob kale oo loo sii cararo.