GoobJoog

Xoghayaha Guud ee Qaramada Midoobay BAN KI MON ayaa sheegay in ahmiyad weyn ay leedahay taageeridda Heshiiskii Kooxaha Soomaalida kudhex maray wadanka Jabuuti.

Afhayeenka Xoghayaha Guud ee QM Haweeneyda lagu magacaabo Maari Okambi o u warameysay Idaacadda QM ay leedahay ayaa sheegtay in ka bixitaanka Ciidamada Itoobiyaanka ee wadanka Soomaaliya uu yahay iminka su’aasha ugu weyn ee taagan.

Waxa ay sheegtay Afhayeennadani u hadahsya Ban Ki Mon in haddii Ciidamada Itoobiyaanka arrinkooda ka bixitaanka meel la saaro ay soo muuqaneyso ifafaalo nabadeed oo Soomaaliya laga helo isla markaasina uu najaxo Heshiiskii Dowlada iyo Mucaaradka ay ku saxiixdeen wadanka Jabuuti.

“Weli Ciidamada Midowga Afrika kasocda ee jooga Soomaaliya oo tiradoodu ay gaareyso 2650 askri oo loogu talagalay in ay Ammaanka wax ka qabtaan kadib marka ay Baxaan Ciidamada Itoobiyaanka ayaanan soo dhameystirmin, waxaana la filayay in ay Ciidamadaasi noqdaan 8-kun, kuwa hadda Soomaaliya joogana ma qaban karaan hawshii loogu talagalay in ay qabtaan sideedaasi kun Ciidan”ayay tiri Maari Okambi oo afhayeen u ah Ban Ki Mon.

Hadalka Ban Ki Mon ayaa kusoo beegmaya xilli Xaaladda Bani aadanimo ee kajirta wadanka Soomaaliya uu noqday mid aad halis u ah xilli ay sii kordheyso gaajada iyo abaarta taasi oo ay dheer tahay iyadoo la la’yahay cid damaanad qaada Ammaanka Hey’adaha Samafalka oo iminkaba dad fara badan oo samafal ka shaqeeeya ay naftooda ku waayen Gudaha wadanka Soomaaliya.

 TrackBack URI for this entry

Comments (0)