GoobJoog

Waxaa shirkii uga socday maalmihii lasoo dhaafay garabka Maxkamadaha Islaamiga ah ee lafdhabarta u ah Isbahaysiga dib u xoraynta magaalada Sanca uu kusoo gabagaboobay is afgarad sida ay sheegeen qaar ka tirsan madaxdii Maxkamadaha.

Is afgaradka oo aan faahfaahintiisa warbaahinta si rasmi ah loogu soo gudbin ayaa waxaa aad usoo dhaweeyey Soomaali badan oo ay ugu horreeyaan kuwii Isbahaysiga taageersanaa. Qodoba lagu heshiiyay ayaa waxaa ugu muhimsan sida wararka Isbahaysiga ku dhaw sheegayaan in Heshiiskii Isbahaysiga galay la sii wado, laakiin wax laga badalo qodobada qaar oo ay ka mid tahay nooca ciidamada ee Soomaaliya imaanaya.

Inkastoo aysan jirin cid ka mid ah ragga Asmara ka yimid oo heshiiskaa ka hadashay ogolaansho iyo diidmaba hadana waxaa ilo kala duwan cadaynayaan in Yemen is afgarad lagu gaaray.

Haddii heshiiska Yemen dhab noqdo waxaa sii yaraanaya khilaakfa Isbahaysiga iyo saamaynta ay yeelan karto ciddii haatan ka dib ka biyo diidka heshiiska waxaase faaqidayaasha qaar ay cabsi ka qabaan in saamayn ka timaaddo dawladaha qaar saamaynta ku leh Isbahaysiga kuwaasoo laga cabsi qabo inay mar kale cadaadis saaraan xubno  muhiim ka dhex ah Isbahaysiga oo ay billaaban canbaarayn kale iyo khilaaf lagu soo celiyo taageerayaashii Isbahaysiga.

Tallaabada ilaa haatan la gaaray ayaa ah mid aad u qiimo badan haddiiba ay hirgasho, waana mid ugub ku ah siyaasadda Soomaaliyeed in urur ama jabhad khilaafkooda warbaahinta aad u dhex galay ay is daba qabtaan oo ka heshiiyaan, waxaanay ilaa haatan gaashaan ku dhufteen cabsidii shacabku qabay inay wadadii jabhada maraan oo tii Cali iyo Caydiid oo kale oo islaamiyiin ah soo celiyaan. waxaase jire kooxo tiro yar oo aad uga soo horjeeda oo iyagu aaminsan inay talada dalka xoog kula wareegaan oo loo ogolaado inay kaligood talada dhabta ah yeeshaan ama weligii dagaalku socdo ilaa ama nooca guuleed ee ay rabaan gaaraan ama meesho halaqyo galeen iska ahaato si aan culays gaar ah kaligood fuulin, mar haddii ay ku jiraan dagaal caalami ah oo taladooda meelo kale ku xiran tahay.

 TrackBack URI for this entry

Comments (0)