GoobJoog

Kulan ka dhacay Magaalada Tehraan kaasi oo dhex maray Safiirka Soomaaliya u fadhiya Iiran Jeneraal C/raxmaan Guulwade iyo Wasiirka Arrimaha dibadda Iiraan Munashahar Mutaki ayaa waxa ay kaga wada hadleen arrimo fara badan oo kuwa Soomaaliya ay kujirto.

Mr.Mutaki ayaa waxa uu sheegay in dowladda Iiraan ay diyaar u tahay in ay ka qeyb qaadato dib u heshiisiinta Kooxaha siyaasadda ee isku haya Soomaaliya iyo sidoo kale in ay dhex dhexadiso kooxahaasi.

Waxa uu ugu baaqay wasiirka arrimaha dibadda ee Iiraan Manushahar Mutaki in Soomaalida looga baahan yahay in ay isla gartaan waxa dantooda ah isla markaasina xilligani aanu habooneyn in ay sii wadaan colaadda oo ay kudhex jireen sanooyin aad u fara badan.

Kulanka dhex maray wasiirka arrimaha dibadda ee Iiraan iyo safiirka halkaasi u fadhiya Soomaaliya ayaa ka dambeeyay kadib markii dhowaan halkaasi loo magacaaby Guulwade, waxaana uu si toos ah uga hawlgeli doonaa Mr.C/raxmaan Guulwade halkaasi.

Hirgelinta Safaaradda Soomaaliya ee wadanka Iiraan ayaa kusoo beegmeysa xilli dhowaan Dowladda Yeman Safaaradda ay ku leedahay Muqdisho diblumaasiyiinteeda la garaacay isla markaasina ay ku hanjabtay in ay iska xireyso inkastoo dowladda TFG-da ay ku bar barisay in ay safaaradda kasii shaqeyso gudaha wadnka Soomaaliya.