GoobJoog

Ciidamo Itoobiyaan oo gurmad ah ayaa shalay soo gaaray Buurta Janta Kundishe ee Duleedka Magaalada Bladweyne, waxaana lagu soo waramayaa in ladoonayo in ay kaabiyaan Ciidamadii horey halkaasi ugu sugnaa.

Wararka ayaa waxa ay sheegayaan in Ciidamadaasi Itoobiyaanka ay  Raashinka iyo Biyaha u geynayeen Ciidamo Itoobiyaan ah uu ku go’doonsanaa duleedka Buurta Janta Kundishe.

Dhaq dhaqaaqyada Ciidamada ay sameynayaan ayaa hakad geliyay isu socodka gaadiidka ee Gobolada Dhexe, waxaana Ciidamada gebi ahaanba ay xireen wadooyinka soo gala Gobolka Hiiraan, waxaana saaka gebi ahaan istaagay Gaadiidkii isaga kala gooshayay G/gaduud, Hiiraan ilaa iyo Muqdisho.

In ka badan 20 gawaari isugu jira yar yar iyo xamuul ayaa ku xayiran inta u dhaxeysa Hiiraan iyo G/gaduud, kuwaasoo ay ku adag tahay marista wadadaas oo ay Ciidamada Ethiopianka isku fidiyeen qeybo ka mid ah Wadada iyo Deegaanada Howdka ah.

Arrimahani ayaa waxa ay kusoo beegnayaan xilli habeenkii xalay lagu weeraray xarunta ay Janta Kundishe ku leeyihiin Hoobiyeyaal, waxaana hoobiyeyaashaasi 6-kamid ah la xaqiijiya in ay ku dhaceen saldhigga dhexdeeda inkastoo aanan khasaaraha weli laga warheynin.

Xaaladda Baladweyne ayaa saakay ah mid kacsan iyadoo dadka halkaasi degan ay cabsi aad u xoogan lasoo gudboonaatay.

 TrackBack URI for this entry

Comments (0)