GoobJoog

Banaanbax ballaaran oo ay soo abaabuleen dadkii ka barakacay magaalada Muqdisho ee gaaray deegaanka ceelasha biyaha ayaa maanta muujiyay cabasho ay qabaan.

Dadkaasi ayaa waxa ay sheegeen in ay ka cabanayaan Afduubka lagu hayo saraakiisha iyo dadka waxtarka u leh umadda, waxaana banaanbaxooda ay kusoo bandhigeen dhibka ay qabaan.

Waxa ay sheegeen in dadka wax dilayo ay ka waantoobaan dhibaatada ay u geysanayaan dadka u dhaq dhaqaaqa samafalka iyo sidoo kale kuwa xuquuqda aadanaha iyaga oo intaasi ku daray in ay kasoo horjeedaan iyaga oo markoodii horey kasoo barakacay Muqdisho hadana aysan ogolaaneynin in laga sii barakiciyo halkii ay u soo barakaceen.

Banaanbaxeyaashani oo boorar waaweyn sitay ayaa waxa ay kusoo wareegeen qeybo kamid ah deegaannada ay degan yihiin iyaga oo ugu dambeyntiina halkaasi ay ka khudbeeyeen qaar kamid ah horkaceyaasha dadka barakaca ah ee degan Deegaanka Ceelasha biyaha.

Waxa uu socon doonaa dibadbaxani sida ay sheegayaan dadka soo abaabulay muddo todobaad ah kadib markii shaqaale ajaanib ah oo samafal u shaqeynayay weli lagu heysto qeybo kamid ah Gobolada dalkeenna Soomaaliya.

Waa banaanbixii ugu horeeyay oo ka dhaca deegaanka Ceelasha biyaha kaasi oo dadka barakaceyaasha ay dhigaan iyaga oo ka cabanaya dilalka loo geysanayo dadka samafalka ugu sameeya goobaha ay u barakaceen.

 TrackBack URI for this entry

Comments (0)