GoobJoog

Degmada Dharkinleey oo kamid ah Degmooyinka maalmahani dambe ay ammaan darida ka wadeen maleeshiyada TFG-da ayaa habeenkii xalay waxaa ka dhacay dagaal qaraar oo u muuqday weerar lasoo qaaday.

Weerarka ayaa waxaa lagu bartilmaameedsanayay sida dadka deegaanka ay sheegayaan mid kamid ah saraakiisha dowladda oo kusugnaa degmadaasi inkastoo sarkaalkaasi aanu magaciisa la shaacin hayeeshee la xaqiijiyay in aanu wax dhibaato ah soo gaarin.

Dadka deegaanka ayaa waxa ay sheegayaan in rasaas aad u xoogan ay habeenkii xalay maqleen, waxaana rasaastaasi inta la ogyahay kudhaawacmay 2-ruux oo rayid ah oo aanu kamid aheyn kuwii dagaalamayay.

Mas’uuliyiinta dowladda TFG-da ayaa xilli waliba iyo goob walba oo ay kusugan yihiin waxaa kusoo wajahda weeraro aad u xoogan inkastoo weeraradaasi ay dhacaan xilli ay feejignaan kujiraan mas’uuliyiinta lasoo weerarayo.

Horey ayaa weerarada noocani oo kale waxaa loogu qaarijiyay qaar kamid ah mas’uuliyiinta dowladda TFG-da oo illaa iyo iminka qaarkood eheladooda ay la cabanayaan dhibaato dhinaca dhaqaalaha ah maadaama dowladda ay wax u qaban weyday kadib markii daraadood loo dilay.

 TrackBack URI for this entry

Comments (0)