GoobJoog

Ciidamada Ethiopia ee ku sugan Magaalada Muqdisho ayaa maanta markii ugu horeysay waxa ay raashin u qeybiyeen dadweynaha ku nool xaafada Deyniile ee magaalada Muqdisho, iyadoo tilaabtaani siyaabo badan roo fasiran kaeo.

Raashinka ay Ciidamada Itoobiyaanku qeybiyeen ayaa ahaa masaggo, iyadoo ay qoysaska xaafada Deyniile gacanta ugu qeybinayeen loorar masaggo ah oo tiradooda lagu qiyaasay ilaa afar boqol, waxaan la sheegay in 4 qofba la siinayay 1 loor.

Ciidamada Itoobiyaanka ayaa tan iyo intii ay ku sugnaayeen gudaha Somalia Mudo laga joogo 17 billod aan loo ga baran wax aan ahayn PM iyo dil iyo gawarac, Iyadoo tallaabadan ay qaadeen ciidamada Ethiopia oo ah mid aan horey looga baran ayaa dadka qaarkiis fajaciso ku noqotay, walo dadka qaarkiis ay is waydiinayaan wax ka danbeeyn doona Tilaabadaan.

Ciidamada Itoobiyaanka ayaa sheegay in ay Mushaarkoodaa ka soo jareen Lacagta lagu soo iibiyay raashinkaan walo ay goobjogayaashii halkaasi ku suganaa sheegeen in raashinkaasi ay ku qorneed USA Aid oo ah Hay'ad Samafal, taas oo loo fasiran karo in Mareykanku u soo dhiibay raashinka Itoobiyaanka si ay waji khiyaano ah ula yimaadaan amaba u soo jiitaan Shacabka soomaliyeed ee Gumeysiga ka dhiidhinaya.

Dadweynihii loo qeybiyay raashinka ayaa aragtiyo kala duwan ka bixiyay iyadoo qaarkood oo saxaafada la hadlay sheegay in raashinkaan allah uga soo qaaday balse aysan ahayn raxmad ka timid ciidamadaasi oo iyagu dilay ama dhawacay kumanaan kun oo dad rayid ah. wuxuna isweydiiay Abwan Bacadle oo isgu fikradiisa ku cabirey shirib in masagadu Magdhaw u tahay Madaafiicdii lagu laaya shacbka somaliyeed.

Si kastaba ha ahaatee Loorka Masagada ah ayaa qiimo ahaan ka jooga Magaalada Muqdisho $9 halka madaafiica ay ciidamada Itoobiyaanku ku garaacayaan dadka rayidka ah ay ku fadhiso Kumanaan Dollar, halka sida lagu sheegay warbixintii Mareykanka ay ka soo saareen Duqeyntii Duusamareeb, gantaalada lagu duqeeyay Magaaladaasi ay ku fadhiyeen qiimo ahaa Balaayiin Dollar.