GoobJoog

Banaanbaxyo ballaaran oo ka dhacay Magaalada Muqdisho maalimihii lasoo dhaafay kaasi oo looga soo horjeedo diidista lacagta Kunka Shilin oo ah lacagta keliya ee u soo hartay Soomaaliya ayaa waxa ay sababeen banaanbaxyadaasi in dib loo qaato lacagta kunka shilin.

Qeybo kamid ah magaalada Muqdisho ayaa iminka laga bilaabay in laga qaato oo laga isticmaalo lacagta kunka shilin oo horey looga diidi jiray, waxaana lacagahaasi sidoo kale aysan weli ka socon qeybo kamid ah magaalada Muqdisho.

Dhinaca kale qeybo kamid ah magaalada Muqdisho gaar ahaan degmada madiina ayaa weli waxaa laga dareemayaa culeys ku aadan sidii lacagtaasi loo isticmaali lahaa.

Dharkinley iyo wadajir ayaa maanta weli waxaanan si caadi ah u furneyn dhaq dhaqaaqii ganacsi ee degmooyinkaasi, waxaana dadka qaar weli ay feejignaan dheeri ah ka muujinayaan in dibadbaxyada dhibaatooyinka wata ay dib uga dhacaan qeybo kamid ah degmooyinkaasi.

Lama garanayo waxa ay ku dabeyn doonaan aayaha dadka Soomaaliyeed oo lacagtii u soo hartay keliya ee kunka shilin iminka laga diiday taasi oo amakaag ku noqotay shacabka Soomaaliyeed iyadoo aanay jirin weli cid si dhab ah wax uga qabata arrintaasi.

 TrackBack URI for this entry

Comments (0)