GoobJoog

Gelinkii dambe ee shalay ayaa Ciidamada Itoobiyaanka ee kusugan garoonka Kubadda Cagta ee Muqdisho ayaa waxaa lagu garaacay hoobiyeyaal fara badan iyadoo halkaasina ay kasoo gaartay khasaare baaxad weyn inkastoo aanan la ogaan karin inta uu la eg yahay khasaarahaasi.

Dhanka Itoobiyaanka jawaab ay bixiyeen ayaa iyaguna waxa ay hoobiyeyaal ku garaaceen xaafado ay kamid tahay Gubta iyo kuwa ay dad rayid ah degan yihiin inkastoo weli aanan laga soo sheegin khasaaraha dadka rayidka ah soo gaaray.

Saakay ayaa rasaas culus waxaa si weyn looga maqlayaa inta u dhaxeysa Isgoyska Towfiiq illaa Xaafadda Carafaat, waxaana dadka halkaasi kusugan ay GOOBJOOG u xaqiijiyeen in Madaafiic la maqlayo saakay inkastoo aanan la ogeyn madaafiicdaasi cidda isweydaarsaneysa.

Laakin Ciidamada Itoobiyaanka ayaa la xaqiijiyay in ay ridayaan madaafiicdaasi, waxana weli aanan la kala saari karin saakay in ay xasuuq kawadaan halkaasi iyo in uu jiro iska horimaad xoogan sababo la xiriira dadka halkaasi kusugan oo aad u yar isla markaana guri ku dhex xayiran.

Ciidamada Itoobiyaanka ayaa waxa ay si aad ah uga careysan yihiin weerarkii shalay lagu qaaday oo la sheegayo in uu sababay khasaare fara badan oo dhanka Itoobiyaanka soo gaaray kaasi oo iyaguna saakay ay isku dayayaan in ay ka geysteen qeybo k amid ah Muqdisho xasuuq  ba’an.

 TrackBack URI for this entry

Comments (0)