GoobJoog

Mudaharaad ballaaran oo ay kasoo qayb galeen in ka badan 500 oo ruux ayaa ka dhacay fagaaraha kasoo horjeed 10 Downing Street, Xaafiiska Ra'isulwasaaraha dalka Ingiriiska ama Boqortooyada Midawday (UK). Dadkaan oo kawada yimid gobollada wadanka ingiriiska. Mudaharaadkaan oo ahaa mid aad loo soo agaasimay loogana cabanayey Xasuuqa iyo tacadiyada ay Ciidamada Ethiopia ku hayaan shacabka Soomaaliyeed ee aan difaaca lahayn.

Dadkaan ayaa ku qaylinayey halku dhigyo Diini iyo wadaniyadba leh "Sida Allaahu Akbar, Xabashidu hajabto, Gumeystuhu ha dhaco, Daba dhilifku hadhoco, ninkii dhoof ku yimidbaa Geeridu dhibeysaa. Waxaa kaloo ay dadku halkaas kusoo bandhigeen Boorar aad u fara badan oo ay ku sawirnaayeen sawirro kale duwan oo aad u xanuun badan. Mudaharaadkaas oo socday muda 4 saacaadood ah ayaa ku dhammaaday jawi nabad ah.

Waxaa ka mid ahaa dadka kasoo qayb galay Zakariye Xaaji Maxamuud iyo George Galloway oo ah mudane ka tirsan Baarlamaanka wadanka Ingiriiska, Ahna madaxa Ururka Respect Party, iyo taageerayaal badan oo xisbigiisa ka mid ah. George oo ah nin aad loogu yaqaan udagaallanka dadka Muslimiinta ah qaas ahaan dadka reer Falistiin, Iraq, aadna uga soo horjeeda siyaasadda reer galbeedka oo Mareykanku hormoodka ka yahay, ayaa halkaas kajeediyey qudbad xamaasad leh wuxuuna dadka Soomaaliyeed ku boorriyey in ay u dagaallamaan dalkooda guulna wuu u rajeeyey. Waxaa kaloo halkaas ka hadlay Maxamud Guure iyo Abdisalam Guled Daljir oo ka md ahaa Abaabulayaasha Mudaharaadkaas.

Ka daawo halkan sawirada: (Riix si aad u weyneyso)

 TrackBack URI for this entry

Comments (0)